* Tse
* Dlag Taub Hau
. - Migraines
. - Tension
. - Cluster
. - Sinus
. - Temporal Arteritic
. - Cervicogenic
. - Drug-induced
. - Rebound
. - Post Coital
. - Ice-Cream
* Kev Tim Thaiv
* Yuav Ua Dlaabtsi
* Kev Khu
* Ua Si
* Ntshib Peb
* Lwm Yaam
* Site Map
* Tawv Twg Lug
Migraine (Vascular) Headache:
Ua le Kws Khw Mob Zahid H. Bajwa, MD hab R. Joshua Wootton, PhD peg Harvard Medical tsev kawm ntawv has, 12 txug 16 feem pua, cov tuab neeg nyob rua Mis Kas Teb Chaws nuav mob taub hau migraines. Yog le, migraines yog hom dlag taub hau kws mob tshaaj plawg. Thaum yug dlag tau hau le nuav lawm, yug tug kheej yuav kiv kiv taub hau, xeev xeev sab, hab mob qhov muag hab pob ntseg. Tsis taag le nuav, tej tsev tuab neeg txhaj le mob taub hau migraines xwb, yog le Kws Khw Mob kuj xaav has tas yog tim tej caaj ceg, txha le mob taub hau migraines.
Migraines without Aura:
Hom dlag taub hau nuav mob miv miv ua ntej ces mam le mob zug mob zug tuaj ua rua yug lub taub hau nyaav nyaav hab zoo li yuav tuag le. Muaj le 60-70 feem pua, hom dlag taub hau nuav mob ntawm ib saab taub hau xwb. Nwg yeej muaj peev xwm mob ntev le ntawm 4 moog rua 72 teev.
Migraines with Aura:
Hom dlag taub hau nuav kuj zoo li Migraines without Aura hab. Tabsis, cov uas mob le nuav, pum kev tsis tshuam zoo. Qee zag, yug ob lub qhov muag dlaaj dlaaj hab pum zoo le tsaus tsaus ntuj. Qee zaug, yug txhais teg hab tug nplaig txob txob hab yug lub cev tsis tshuam muaj zug. Aura tshuas yog mob ntev le ntawm 15 moog tsau 60 feeb xwb.