Balakid sa Edukasyon

Maraming mga bagay ang balakid sa pagtanggap ng mga kabataan sa ika-21 siglong edukasyon. Ang mga harang na ito ay sumasaklaw mula sa hindi pagkunsinti sa mga relihiyon na nakapagsusulong ng hindi makatarungang paghusga sa ilang bahagi ng mundo hanggang sa mga digmaang nagiging dahilan ng pagsasara ng mga paaralan at pumipilit sa mga kabataan na turuan ang kanilang sarili, kung at kahit saan nila kaya. Ang pahinang ito ay susuriing muli ang ilang balakid na pumipigil sa mga mag-aaral na makatanggap ng kumpleto at makatarungang edukasyon.

Mga Digmaan

Mahirap panatilihing bukas ang mga paaralan tuwing may digmaan. Ang pangkasalukuyang digmmaan sa Afghanistan ay sinalanta ang mga paaralan at winasak ang mga ito. "[Kasisimula pa lamang ng 2007]…Ang "Human Rights Watch" ay nag-ulat na si Pangulong Hamid Karzai ay nagsabing nabawasan ng 100 000 bata ang pumapasok sa paaralan sapagkat marami sa mga paaralang ito ay nasira." (Fabrizio "The War"). Ang mga rebeldeng Taliban sa Afghanistan ay pinupuntirya ang mga paaralan. Upang maiwasang mapuntirya, ang mga paaralan sa ilang bahagi ng bansa ay nagkaklase sa mga tolda o di kaya'y sa mga bukas na lugar. Kung gayon, ang mga kabataan ay malimit na pumasok sa paaralan, pumapasok lang sila tuwing maayos ang panahon. Mahirap mapanatiling bukas ang mga paaralan at pumapasok ang mga mag-aaral kung lahat sila'y natatakot para sa kanilang mga buhay. Ang isang henyo sa Matematikang si Philip Emeagwali, ay inalis sa paaralan noong 1967 dahil sa digmaang-sibil sa Nigeria. "Noong mga taong 1967-70, ang pamilya naming ay walang tirahan. Minsan, natutulog kami sa mga lugar kung saan ang mga taong tumakas mula sa isang mapanganib na lugar ay nagsasama-sama, minsan sa mga abandonadong paaralan, at sa mga binombang bahay." ("Philip Emeagwali") Hanggang ngayon, ipinapapatuloy pa rin natin ang pagharap sa mga problemang gaya nito sa buong mundo sa ika-21 siglo gaya nang pagharap ni Emeagwali noong nakaraang siglo.

Kahirapan

Isa pang malaking hadlang sa edukasyon at kadalasang resulta ng digmaan ay ang kahirapan. At kahit pa walang digmaan, maraming umuunlad na bansa ay humaharap sa desisyong saan nila igugugol ang kanilang mga limitadong mapagkukuhaan. Pagdating sa pagdedesisyon kung saan ito gagastusin ang kanilang pera, kung sa pagkain at tirahan ba o sa mga libro at edukasyon, kadalasan edukasyon ang talo. Sa ngayon, may 15 bansa sa Africa ang may kulang pa sa 50 porsyentong mag-aaral ang pumapasok sa paaralan. Ang mga ito ay ang Angola, Burkina Faso, Chad, Djibouti, Eritrea, Ethiopia, Guinea, Guinea-Bissau, Liberia, Mali, Mozambique, Niger, Rwanda, Senegal, Somalia. "Ang mga Aprikanong bansa — 'naiiba mula sa mga umuunlad na bansa' — ngayon ay mayroon nang mas mababang proporsyon ng kanilang mga anak na pumapasok sa mga paaralan kaysa noong 1980" (Novicki "Boosting")

Relihiyon

Hindi tulad ng ibang hadlang sa edukasyon na pumipigil sa mga bata na pumasok sa paaralan, ang pagpasok sa paaralan na may makarelihiyong impresyon ay maaaring maging lumihis, kung hindi man ay kulang. Ang edukasyon ay hindi isang bagay na maaaring pasikut-sikutin ng mga guro, kailangan itong suriin ayon pamantayan. Halimbawa, ang petsa ng pagpatay kay Arch Duke Franz Ferdinand ay dapat na ituro na naganap ito noong Hunyo 28, 1914. ang petsa na ito ay isang katotohanan, at ang mga guro ay di-maaring sabihin na siya'y pinatay noong Hulyo 17, 1982 o kahit ano pang petsa kung hindi ay Hunyo 28, 1914. Ang mga makarelihiyosong turo kung minsan ay nagsasabi ng mga pangyayari nang may halong relihiyosong paniniwala. Halimbawa, may isang sekta na ang earth ay 6,000 taong gulang lamang. Ang mga siyentipiko ay hindi sinusuportahan ang "pangyayaring" ito, ngunit sinusuportahan ng mga particular na sekta s pamamagitan ng interpretasyon ng bibliya. Ngunit ang ganitong mga paniniwala ay itinuturo ito bilang isang katotohan sa ilang mga paaralan. Ang ilang mga paaralang Muslim sa Canada at sa US ay nakikitang nagtuturo ng teorya ng pakikipagsabwatan tungkol sa mga Hudyo. Ang mga guro at ilang mga panuntunan sa mga paaralang Muslim na ito ay tumutukoy sa Israel bilang "the illegitimate Zionist regime" at "ang mga tunay na terorista". Ang mga kabataan ay hindi matukoy kung ano ang hindi pagkakapantay sa relihiyosong paniniwala sa katotohanan, kung kaya sila ay mabilis na naniniwala sa mga turong ito. Ang paglutas sa problemang ito ay isinasagawa pa rin. Ang pagkilala sa problemang ito ay mayroong mahabang landasin upang maisagawa ang unang hakbang upang malutas ito.

Kultura

May ilang kultura ang nakikitungo sa iba't ibang miyembro ng kanilang populasyon sa iba't ibang paraan. Minsan, ito ay gumagawa ng harang sa edukasyon. Halimbawa, ang malaking bilang ng kultura ay hindi pantay ang pagtingin sa babae. "Mayroong higit pa sa 860 milyong kataong walang pinag-aralan sa mundo, kung saan 61% nito ay nanggaling sa Bangladesh, China, India at Pakistan [at] 66% dito ay mga kababaihan" ("Education") "Habang ang bilang ng mga pumapasok sa paaralan sa umuunlad na bansa ay lumalaki sa loob ng 40 taon, ang mga Aprikanong bansa ay hindi… ang mga bansa sa Aprika sa mga taong 1990 ay may nakababahalang istatistika pagdating sa edukasyon:…, ang antas ng literasiya ng mga nasa hustong gulang na ay mababa pa sa 40 porsyento, at mahigit sa 50 porsyensto ng mga kababaihan ang walang pinag-aralan" (Novick "Boosting") Nang malapit nang matapos ang pamumuno ni Hussein sa Iraq, ang gobyerno nito ay nagpasa ng batas na nagsasabing limitado na ang karapatan ng mga kababaihan pagdating sa paggawa at mga trabaho sa labas ng bahay. Ang gobyerno rin ay ginawang pang-isang kasarian lamang ang mga paaralan mula sa pagiging "co-ed", na siyang naglilimita sa mga babae na makakuha ng edukasyon. Maraming mga bata ang hindi makapasok sa paaralan dahil sa kanilang lahi, relihiyon, o kasarian dahil sa "bias" o di-pantay na pagtingin sa kanila ng kanilang kultura. Ang mga babae, at kahit ilang mga lalaki, ay pinapatay sa Basra dahil sa pagiging "di maka-Islam". Sa ilang mga lugar sa Basra, may ilang mga sulat sa dingding na nagbababala sa mga kababaihan na ang hindi pagsusuot ng kanilang mga panatakip nila sa ulo at paglalagay ng mga kolorete sa mukha ay 'makapagdadala sa iyo sa kamatayan'. (Salaheddin "Westernized"). Malinaw sa atin na may ilang mga grupo ng mga tao ay sumosobra pagdating sa pagkakaroon ng di-pantay na tingin sa lahat.

Iba Pang "Bias" o Di-Pantay na Pagtingin sa Lahat

Ang pagkakaroon ng programa para sa edukasyon ng mga may katangi-tanging talino at may mga kapansanang kabataan ay talaga namang nagbibigay ng 'di-pantay' na edukasyon para sa lahat. Pero hindi sila tulad ng ibang mga "bias" na naglilimita sa kakayahan ng mga mag-aaral tulad ng mga nakita natin sa mga "bias" sa relihiyon at sa kultura. Ang mga programang ito para sa mga may pambihirang talino o talento at may mga kapansanan ay tumutulong sa mga ito upang makatanggap sila ng edukasyon. Binibigyan nila ng remedyal na tulong ang mga nangangailangan habang pinalalago nila ang mga intelektwal na potensyal ng mga mahuhusay. Sa kabilang banda, ang mga nabanggit nang di-makatarungang paghusga tulad ng pagiging "bias" dahil sa lahi ay humahadlang sa mga mag-aaral na makakuha ng pantay at kumpletong edukasyon. Ang ilang mga kapansanan gaya ng pagiging bulag o di-kaya'y bingi, ay maaaring maging hadlang din sa edukasyon, pero ang mga ganitong suliranin ay kalimitang sinosolusyonan sa pamamagitan ng mga pangkat na tumutulong sa kanila tulad ng "The Human Rights ang Equal Opportunity Commission (HREOC) sa Australia. Ang mga grupong kagaya nito ay mas madaling natutugunan ang mga ganitong uri ng suliranin kaysa sa mga suliraning gaya ng rasismo dahil mas madali itong malaman at mas malayo sa kontrobersiya.

Sana ang mga hadlang na ito sa edukasyon ay mawala na baling araw, at ang mundo ay magkaroon ng kakayahan na makapagbigay ng kahit pandaigdigang edukasyong pang-elementarya lamang. Ang mga kababaihan, kasama ng antas ng literasiya nila sa buong mundo, ay kailangan kahit paano ng mas maraming karapatan, at maitaas ang antas ng literasiya nila. Ang di pantay na pagtingin sa kasarian, relihiyon, at iba pa ay kailangang mawala na upang lahat ng tao ay makakuha ng pantay na edukasyon. Bawat tao sa mundo ay kailangan ng pantay na karapatan tulad na lamang ng "libreng pampublikong edukasyon" na maaaring makuha ng lahat. "Ang mga pangkat-instruksyonal ang tutulong at kikilos sa pagsasama ng pangkultural at makasaysayang kontribusyon ng mga Latino at iba pang mga kapansin-pansing lahi sa populasyon ng mga mag-aaral." ("About") Ang ilang mga proyekto gaya ng "Alma Project" sa America, ay itinutulak ang"multiculturalism" o pagsasama-sama ng iba't ibang lahi sa mga paaralan. Kailangang tapusin na natin ang mga digmaan at hayaang gamitin ang mga perang ginagastos para rito sa edukasyon at mapaunlad pa itong lalo. At kahit sa ganoong paraan, ay magkaroon ang mundo ng mas mainam na pagsubok na abutin ang pandaigdigang edukasyon.